Ginisang Kamatis para sa may sakit na Diabetes

Rekado
Diabet
kamatis
sibuyas
bawang
mantikang binili sa talipapa
tubig

Direksyon
1. Uminom ng Diabet.
2. Initin ang kawali. Hintaying matuyo ang tubig na bakas ng pinaghugasan kagabi.
3. Ilagay ang mantikang binili sa talipapa. Hintaying umusok.
4. Ah ang init.
5. Ihulog ang bawang at sibuyas.
6. Hintaying lumaylay ang sibuyas.
7. Medyo matagal kasi mahina ang apoy dahil papaubos na ang LPG.
8. Matagal talaga kaya hanapin mo muna ang tae ng daga sa litrato. Clue: Hanapin ang itim sa kaliwang parte sa pinakababa ng litrato.
9. Congrats nahanap mo. Siguradong mainam na ang sibuyas at bawang kaya ihulog ang kamatis.
10. Umuusok! Umuusok! Ulap ba iyan? Subukang singhutin.
11. Lagyan ng isang tasa ng tubig.
12. Umuusok pa rin. Hintaying maluto.
13. Ilagay sa mangkok na kulay pink.
14. Isilbi at ngumiti.

Mahiwagang Maya-mayang may Toyo

Rekado
maya-maya
toyo
bawang
sibuyas
luya
vetsin
tubig

Direksyon
1. Gumising ng maaga. Hanapin ang pinakamalapit na albularyo sa lugar.
2. Manghuli ng maya-maya kasama ang albularyo.
3. Ang hiwaga ng kapangyarihan ng albularyo ay maipapasa sa maya-mayang nahuli. Magpasalamat sa albularyo saka magpaalam.
4. Umuwi. Hugasan at linisin ang isda sa lababo.
5. Hiwain.
6. Initin ang kaldero, ilagay ang bawang, sibuyas at luya.
7. Magbilang hanggang sampu.
8. Tiyaga lang, malapit na ang ending.
9. Hayan na, hayan na. Ibuhos ang ilang tasa ng tubig galing sa poso sa likod-bahay. Puwede din ang tubig mula sa balon kung sira ang poso.
10. Idagdag ang toyo. Tikman at lasapin kung maalat.
11. Tantiyahin kung luto na.
12. Isilbi sa mangkok at ngumiti.

Nilagang Hotdog na Manok

Rekado
hotdog
tubig

Direksyon
1. Huwag punasan ang kalan ng isang linggo. Hintaying magkaroon ng tae ng daga ang gilid gilid ng kalan. Ang aroma nito ay makakadagdag ng kaunting lasa sa hotdog na ilalaga.
2. Medyo hugasan ang kaldero.
3. Lagyan ng medyo punong isang tasa ng tubig.
4. Initin ng kaunti. Masdan ang ilang tae ng daga.
5. Initin pa.
6. Kaunti pa.
7. Ilagay ang hotdog na manok.
8. Hintaying umusok. Ibig sabihin malapit na ang tagumpay.
9. Masdan ang usok. Parang ulap di ba?
10. Tusukin ng tinidor at ilagay sa medyo malinis na platito, saka ngumiti.

Pritong Itlog ng Native na Manok

Rekado
itlog
asin
konting laway

Direksyon
1. Dilaan ang tinidor.
2. Taktakin ang itlog. Ilagay sa mangkok.
3. Dilaan ulit ang tinidor.
4. Batiin ang itlog gamit ang dinilaang tinidor.
5. Batiin.
6. Batiin pa ikako.
7. Lagyan ng isang kurot na asin.
8. Batiin.
9. Initin ang mantika sa kawali.
10. Ilagay ang itlog.
11. Hintaying maprito.
12. Isilbi at ngumiti.

Palaka Papaya at Ngiti

Rekado
palaka
papaya
malunggay
bawang
sibuyas
asin
tubig
vetsin
ngiti

Direksyon
1. Ilagay ang bawang at sibuyas sa nagbabagang kawali. Tantiyahin kung sakto na.
2. Ibuhos sa kaldero kung saan iluluto ang palaka.
3. Lagyan ng tubig. Hindi ko alam kung ilang litro. Ikaw na ang bahala.
4. Ilublob ang palaka, dapat dumampi ang daliri sa paglublob para medyo umalat dahil sa pawis. Isama ang papaya at malunggay.
5. Haluan ng isang kurot ng asin. Taktakan nang 2 beses ng vetsin.
6. Hintaying maluto. Pakiramdaman kung sakto na.
7. Isilbi sa mainam na mangkok saka ngumiti.

Tapos

Hapon Na Kumakain Ka Pa?

Minamahal kong tagapagluto ano ang putahe ngayon?

Ang putahe ngayong hapunan ay sardinas, kaning lamig at mangilan-ngilang mga langgam. Sinamahan pa ng juice na kulang sa tamis.

Puwede na kahit na papaano. Har har har!

Graaaah! Ngraaah! Yummy Yummy

Anoo? Ano yung narinig ko?! Ikaw ba yung nagsalita?!

Anong hindi masarap? Ano yang sinasabi mo?!

Anoo? Anong sorry?! Anong sorry sorry?!

Walang sorry sorry! Walang sorry sorry!!

Tuwad! Tuwaaaad!!